web analytics

14 Mar 2017

Bertsomovieda 2017 – Badator!

Urteak joan, urteak etorri, aurten ere hemen da nazioarteko bertsomovie lehiaketa: bertsomovieda. Zure bertsoklip, irudiz hornitutako bertso sorta, edo besteren baten bertso + irudiekin osatutako edozein bideo aurkez dezakezu… eta baita bururatzen zaizun beste edozein formatutako bideoren bat ere.

Zer den zehazki ez dakizula? Lasai, xinplea da eta: bertsoren bat ageri den bideo bat, gutxienez 7 segundokoa, grabatu, internetera igo, eta guri horren berri ematean datza lehiaketa.  Edozein bertsok balio du, nork berea ala besteena, eta sariak mota guztietakoak dira, gazteenentzat bi sari, eta helduentzat beste bi. Horiez gainera, publikoaren sari potolo bat, eta bertso onenak dituen bertsomoviearentzat ere sari berezi bat; guztira 2500€ saritan.

Ez dago inongo mugarik: mundu osora zabaldutako lehiaketa da, edonork har dezake parte, taldeka ala bakarka… gutxienez bertso bat eta bideo bat uztartzea da ezinbesteko baldintza bakarra. Sariak honakoak dira:

Gazteentzat:
300€ bertsomovie onenari
Helduentzat:
1000€ko lehen saria
Guztientzat
500€ko saria botorik gehien biltzen dituen bertsomovieari
200na €ko bi sari, epaimahaiak erabakitako bi aipameni
Bertsorik onenak dituen bertsomovieari 250€

Gozatzeko lehiaketa bat antolatu dugunez, bideoak bertsomovieda.com webgunean ikusgai egongo dira epea ixten denetik, eta gogokoena bozkatzeko aukera ere izango da. Apirilaren 23tik maiatzaren 4ra arte egongo da zabalik lanak aurkezteko epea, eta maiatzaren 5etik maiatzaren 12ko eguerdiko 12ak arte egongo da bozka emateko aukera zabalik.

Antolakuntzatik parte hartzera animatu nahi dugu mundu guztia. Eta biziki eskertuko dizuegu zuen hedabide eta erakundeetan zabalkundea emanez zuen hondar aletxoa jartzea. Eskerrik asko aldez aurretik.

Xehetasun gehiago nahi izanez gero, elkarrizketaren bat eskaini, edo dena delakorako, jarri lasai gurekin harremanetan, honako bideen bidez:

Eposta: bertsomovieda@gmail.com

Twitter: @bertsomovieda / Facebooken: bertsomovieda

0 Comments Segi irakurtzen

10 Mar 2017

…eta badator seigarrena!

Aurreko edizioen arrakasta ikusi ondoren badator seigarrena ere.

Datozen egunotan izango duzue gure berri, egon azti!

0 Comments Segi irakurtzen

22 Api 2016

Baditugu 2016ko irabazleak. Zorionak!

Dagoeneko baditugu bertsomoviedako saridun guztiak, bozketa gaur bertan amaitu ostean.

Helduen maila

Lehen saria (1000 €): Zeuk erabaki

Egileak Jon Martin eta Izaskun Bernedo dira. Lehenago ere parte hartu izan dute bertsomoviedan, eta era guztietako sariak irabazi ere bai. Aurtengoan, lan oso berritzailea egin dute, ikusleak amaiera askoren artean aukera dezakeen bideo interaktibo bat sortuz, eta bide batez, bertsoaren sormen prozesuan bertsolariaren burutik pasatzen diren aukerak azalduz.

Aipamena (300 €): Kantuz egin dugu zutaz oroitzean

Lan hau Aitor Lanas, Ekaitz Goikoetxea eta Garazi Zabaletaren lana da. Lehen aldia dute bertsomoviedan, baina benetan lan borobila aurkeztu dute, Ekaitz Goikoetxearen bertso bikainak Maider Ansaren ahotsean jarrita, Mikel Laboari erreferentzia eta omenaldi eginez. Benetan lan hunkigarria, bertso onenak dituen bertsomoviearen saria ere (250 €) irabazi duena.

Gazteen maila

Lehen saria (300 €): Begirada bakoitzean

Kuriosoa da, baina lan hau ez du ez ohiko lagun talde batek, ez bertso eskola batek aurkeztu. Bertso udalekuetan elkar ezagututako lagun talde baten elkarlana da beira taldearen doinuak erabiliz emaitza hunkigarria lortu duen bertsomovie hau. Beraiek Joane Aldalur, Oihana Arana, Haizea Arana, Aner Peritz, Xubane Garai, Eider Iturralde, Olatz Zuazubiskar eta Aroa Arana dira.

Aipamena (150 €): Alferraren astea

Oiartzungo Elizaldeko bertso eskolako ikasleen lana da hau, eta izenburuak dioen bezala, gazte alfer baten astearen errepasoa egiten dute egunez-egun, astelehenetik igandera.

Publikoaren saria

Publikoaren sariaren 500 €ak Donosti Cup 2005 bertsomovieak eraman ditu, astebeteko lehia estuaren ostean 1238 boz biltzea lortu baitute. Zorionak hauei ere!

Ezohiko sari berezia

Honelako sariketetan ez da ohikoa izaten uste baino diru gehiago banatzeko aukera, baina beste urteetan ez bezala, horretarako parada suertatu zaigunez, 150 €ko aipamen bat ere ematea erabaki dugu, eta hau Ormaiztegiko bertso eskolako Zapatistak lanarentzat izan da.

Lan honek oinetakoen arteko bertsolari txapelketa bat parodiatzen du, eta bereziki erakargarria da oinetako eta bertso munduan erabili ohi diren hitzekin edo antzeko hitzekin egiten duen hitz jokotik abiatuta bertsomovie oso bati bizia ematea lortu izana.

Datorren ostiralean, hilaren 29an, Beasaingo Igartza jauregian egingo da sari banaketa arratsaldeko 19:00etan.

1 Comments Segi irakurtzen

11 Api 2016

Euskara, muga guztien gainetik elkartzen gaituen zubia

10 Api 2016

Zergatik ote da?

http://www.bertsomovieda.com/wp-content/themes/selecta